- გამორჩეულობა გრძნობისა  სად არის!?
- ქარაფშუტულმა თუ  გაფანტა  ქარებმა. 
უნიჭოდ შეგვითხზავს საჩვენო  ზღაპარი.
და აი, დროც დადგა მისი დამთავრების.

არ ღირს გამთელება გაბზარულ ერთობის,
არ არგებს გატეხილ დოქებს დაწებება.
ცდილობ გამამწარო, მაბრალებ,
რომ შენით მე მხოლოდ ვერთობი,
ცრუობ. კარგად  იცი - ეს მე არ მეხება.

უკვე გამაგონეს: სხვა გიყვარს, სხვა გიხმობს,
სხვისი სახლი გინდა და სხვისი სხეული.
უხმოდ გაგეცლები, რომ გული დაგწყვიტო
როგორც გწყვეტს წინდაზე თვალი გაქცეული.