სიკვდილი, თურმე,
მარადიულ სიცოცხლეში
გასამგზავრებლად
იღბლიანი არის ბილეთი
და ნუ გექნება იმის იმედი,
რომ დააჩქარებ მის მოგებას 
შენ  თვითმკვლელობით.
მარადიულში გარდაცვალება
შენი სურვილით არ გამოგივა -
ვინც იმსახურებს,
მხოლოდ ის იღებს
უზენაესის
იღბლიან ბილეთს.
ვერ გააყალბებ. იგი არ არის
სასოწარკვეთის, ტკივილისა,
ან უმიზეზო  სევდის წამალი.
ნაადრევად მის დაძახებას
ნუ მოინდომებს შენი ფიქრები -
თავად გეწვევა მზად რომ იქნები.