ბაბუაჩემი იყო მეკობრე
და ჩამოახრჩეს პორტში რეიზე
მაშინ ისეთი დრონი მეფობდნენ
არავინ, არვის ჰკითხა რეიზა?
ალბათ ყაჩაღიც იქნებოდა
ბაბუაჩემი. იყო მებაღე.
ან მებადური, ტრუბადური
მატადორიც და ტორეადორიც
გენიალური მხატვარიც ვინმე.
მხედართმთავარიც, თავისი ჯარით
სახელმწიფოებს უძველეს დროში 
ხან რომ დაშლიდა და ხანაც კრავდა
მოკრძალებული, მშრომელი კაცი,
პატარა მწყემსიც ხბოთა და კრავთა,
ან, უსაქმური და მაწანწალა. გინდა
ბოგანოუპოვარი არაფრისმქონე
წინაპარიც მყოლია ალბათ
ყმა, ან  ბატონი არცერთი იყო
თავისუფლებას ისე ვუყვარვართ.