მიეცი უფლება სხეულს
გაცვდეს, დაიხარჯოს.
მიეცი უფლება გონებას
განათლდეს, გაისარჯოს.
მიეცი უფლება სულს,
არასდროს დაიღალოს,
სიკეთისა და მადლის
ყვავილად გაიშალოს,
შეიცნოს სიყვარული.
მიეცი უფლება თავს,
რომ იყო  მხიარული.
მიეცი უფლება გზას
შორს გაგიტყუოს.
მიეცი უფლება სხვას
ურცხვად მოგატყუოს,
გაბედე  შეუნდო მას,
მტერს ცოდვა აპატიო,
მაშინ შეგეძლება თქვა
ერთი მეც მიცხოვრია, 
მძაფრად მიგრძვნია
სიცოცხლის ფეთქვა.
მის სუსტ ძარღვზეც
კი პულსი მიპოვნია.