ერთხელ ბატონი გულბათ ტორაძე შემეკითხა - ოთარ, ნუთუ ფიროსმანმა იცოდა, რომ გენიოსი იყო?... მე ვუპასუხე, ბატონო გულბათ, ჩვენ ვიცით და მან არ იცოდა?..

შენ, ვინც ასხურე წმინდა სისხლი ადამის ქალას,
ო, რომ იცოდნენ მომანიჭე რამხელა მადლი,
ბინას კი არა, მაჩუქებდნენ ხალისით ქალაქს,
მხოლოდ შენ იცი ზუსტად ჩემი ტალანტის ყადრი... 

უსარგებლოა განდიდება კაცთაგან, როცა,
უფლის მარჯვენამ უკვდავების მირონი წაგცხო
და ყალბ დიდებას აღსრულება არჩიე მორცხვად,
შენ, ვინც ტალანტი განამრავლე, ღვთიურო კაცო!

6 ივნისი, 2023 წ.