მესამე თვე მიდის -
მაკონდო ამინდია,
თოკები აღარ მყოფნის
გადავკიდო!
ავოკადოს კურკაც კი გაიბზარა,
მომწვანო ენა გადმომიგდო.

აბა ხახვს რაღა უნდა  მოსთხოვო,
ისედაც უმიზეზოდ იღერება.

აი, ეგეთი დღეებია,
აი, ეგეთი ამბებია,
მარტოობის მეასე წელიწადს!
-ქოთნებში გულწასული ბალბებია,
-ძილში გაპარული მელისა.

ყველა სახსარი დამიობდა,
მე სად შემიძლია მაგათი მიშველება!
წყალმა ყველაფერი გადაფარა!
ქაფარა!
შეჭამონ წითელმა ჭინჭველებმა!


19.02.2024