დანისლულ  მთებზე  ტორტმანებს  ბინდი,

    ბნელის  და  ნათლის  ზღვარი,

    კოჭლი  კაცივით  ფორხილით  მიდის

    წიფლნარას  ტყისკენ  ქარი...

    ბნელ  ხევში  ტირის  უღონო  წყალი,

    ბუს  დასდგომია  თვალი,

    ვერძასწყაროსთან  ქვითინებს  ქალი,

    სანდრუას  პატარძალი,

    მონატრებია  ქალს, ქალაშავას

    ცხორში  წასული  ქმარი.

    ...ქუფრია...  ღამემ  კალთა  გაშალა,

    ქალმა - ნაბადი  ქმარის....

    გარინდულ  ტყეში  შემოშანშალდა

    მუხლგაქარჩხული  ქარი...