შემიპყრობს  ბრაზი, ავცახცახდები         
                                           
                                            და  ...
 
      ცოფიანივით  გავჰკივლებ
 
  ტყეებს: ,,ეჰეჰეიი...ჰეე"...

  ცაცია  ხელით  ცხენს  გადავწვდები,

  გავედევნები  ტყისპირს  და...
                                       
                                      ხეებს,

  შენი ტანივით  ცერად  აშოლტილს,

                            შემოვხვევ  ხელებს.

  ...ბინდი  წყალივით  მოჟონავს

                    ტანში,

  მაჟრჟოლებს... ცივი, ცივი

  წვეთები  მისველებენ  მოჟამულ 

                  სახეს,

  ნელა  ხვიხვინებს  იორღა და

                  ბუხუნა  ხმაში,

  როგორც  საგებში  ჩვილ იესოს,

                  სიფრთხილით  მახვევს...
  ......................................
  ცხენის სითბო , ფიჭვის სურნელი

  მიხალისებენ  სულს  დარდისაგან  გადარეულს...