რა შეედრება სიყვარულს?
არც არაფერი! ნამდვილად!
სიყვარულია, ქვეყნად რომ
სიცოცხლე გამიადვილა!

სიყვარულით რომ არ მქონდეს
სავსე ეს გული, აქამდე,
რა გაუძლებდა ცხოვრების
მოძახილს: "უნდა გაქვავდე!"

თქვენც ისევ დაგწერთ, ლექსებო,
და შენც, ქალ-ქარო ლამაზო,
კვლავ მეყვარები, გრძნობა და
სული რომ გავიალმასო!

სიყვარულით ვარ მდიდარიც,
მეტიც, მაღალიც, მცინარიც...
ჯერ არაფერიც არ მორჩა,
ჯერ ყველაფერი წინ არის!..