__წადი რა პურზე...__გაიღვიძა თედომ.
__აუფ,ვისაც შია ის წავიდეს!__არადა მეც მშია.
__კაი რაა...გთხოვ...
__არა-მეთქი!მე წუხელ ვიყავი.
__წუხელ თუ იყავი,სად არის პური?
__შეიჭამა.
__აუუუ...რამდენს მახვეწნინებ,გამოცდა მაქვს,წადი რა...
__შენ კიდევ რაღა მოგივიდა,ჩაცმული ხარ და მოიტანე!__ჩაერია დედა.
__აუ,შენ სულ მე მაგზავნიიი..კაი რაა...
__იყავით ორივე აქ!მე წავალ!__ ხმა გაუმკაცრდა დედას.სულ ასე იცის ხოლმე და წავა კარადისაკენ,რომ პალტო მოიცვას.მერე, რა თამა უნდა,რომელიც უფრო დიდ სინდისს აღმოვაჩენთ საკუთარ თავში,ვეცემით ხელებში და ჩვენ წავალთ.ახლა თედო ნამდვილად არ აპირებდა დიდსინდისიანობას...
__ხო,კაი,მომე ფული.__უხალისოდ მოვიცვი ქურთუკი.
    თედომ ზემოდან თვალი ჩამიკრა.უფრო სწორად,ბალიშზე თავმიყრდნობილმა მიხუჭული ერთ-ერთი თვალი გაახილა და ისევ დახუჭა...მე მომეჩვენა,რომ ჩაეღიმა კიდეც და კარი ისე გავიჯახუნე,ნამდვილად ვეღარ დაიძინებდა.
  ყინავდა გარეთ.ეზოს გავცდი თუ არა,ირაკლი შემეფეთა.ირაკლი თედოს ძმაკაცია.
__ვაა,თაამთ! როგორ ხარ?
__ვარ,რა...
__რა იყო,გამოგაგდეს?__იცინის.
__ხოო...
__თედო სადაა?
__საწოლში,ნებივრობს...
__უთხარი, ამომიაროს დღეს.
__გამოცდა რომ აქვს?
__რა გამოცდა აქვს კვირას?
    მომინდა,შევბრუნებულიყავი სახლში და თედო წამომეგდო საწოლიდან,მაგრამ კარადასთან მისული დედა გამახსენდა და გადავიფიქრე.
__კაი აბა, თამთ...__შუბლზე მკოცნის და უკანმოუხედავად მეძახის:
__უთხარი,ამომიაროს!
__ვეტყვი,_ჩავილაპარაკე ჩემთვის.ვაგრძელებ გზას და ვფიქრობ;"რა კაი ტიპია ირაკლი..."და,საერთოდაც,ჩემი ძმის ყველა მეგობარი კაი ტიპია...არა,ირაკლი მაინც ყველაზე უკეთესია,მარა  დაჯექი და უცადე ახლა,როდის გადაუვლის მაგას "ძმაკაცის დას სხვანაირად ვერ შევხედავ" პრინციპი...სულელები არიან ბიჭები...
__ორი პური მინდა, ნინო დეიდა...
__რა იყო,გამოგაგდეს?__მიცინის და პარკით პურებს მაწვდის.

___ჩამობრძანდი და მიირთვი!__უკვე კომპიუტერთან იჯდა თედო.__რაში გაქვს დღეს გამოცდა?
__გრაფიკაში...__პურის ყუა მოიტეხა და იცინის...
__ესეიგი,გრაფიკაში არა?!ორი დღე სულ შენ ივლი პურზე!აი,ნახავ,თუ არა...
__ხო იცი,ვივლიდი მარა ხვალიდან მართლა მეწყება გამოცდები...__და პირგამოტენილი ხვრეპს ცხელ ჩაის...