დგახარ იატაკზე და თითებით ჭერს ეხები. ფეხის წვერებზე დგები ,რომ ჭერს უკეთ მისწვდე და შენი ოცნებების ასიმეტრიული ბურთულა ჩამოკიდო. ცდილობ ჩახედო საკუთარ თავს თვალებში სარკის დახმარებით , ის კი არ იცი რომ სარკე ოდესმე გატყდება. თანდათან ეცნობი კედელზე გაკრულ კალენდარს ... იღებ ჟურნალს , სადაც ორი სურათია სათაურით იპოვეთ შვიდი განსხვავება . შენ შენს გონებას მარწუხებს უჭერ და გაფართოებული თვალებით აკვირდები . თუმცა ის აზრი არც მოგსვლია თავში , რომ საკუთარ თავს თვალებში ჩახედო თუნდაც სარკის დახმარებით ( რადგან სხვა გზა არაა ) . გინდა მერვე სართულს დააშენო კიდევ ერთი სართული , რომ კიდევ უფრო ზევით ახვიდე . ამ ბოლო დროს ნაბიჯების დათვლა დაგჩემდა და უშინაარსო ფრაზების წერა . სამზარეულოში მარტო მაცივარი გიდგას ცარიელი , რომელსაც ფერადი ფურცლები ამშვენებს.
        დღეს შენიშნე ,რომ შენმა ოცნებების ბურთულამ სფეროს ფორმა მიიღო . შენიშნე ოთახში კიბე ,რომელიც სხვენში ადის ...ცაში....
        ოთახს ერთადერთი კარებიღა შერჩა...






ემ , ერთადერთი გზა არსებობს თუმცა ჯერ კიდევ არ იცი საით წახვიდე ..........