უკვე მეორე წელია, რაც კავშირი - პოეტური ორდენი "მარადახალი ქნარი" (თავმჯდომარე - პოეტი მიხეილ ღანიშაშვილი) ეროვნული სამეცნიერო ბიბლიოთეკის (დირექტორი - ირაკლი ღარიბაშვილი) საკონფერენციო დარბაზში "ლიტერატურული სემინარების" პროექტის ფარგლებში შეხვედრებს მართავს ლიტარატურის, ხელოვნების, კულტურის სხვადასხვა საკითხებზე. ეს უდაოდ საინტერესო შეხვედრები, რომლის დროსაც დარბაზი თითქმის ყოველთვის გადავსებულია ხოლმე, უამრავ მსმენელს იზიდავს და პერიოდულად შუქდება კიდეც პრესის, რადიოსა და ტელევიზიის მეშვეობით.

კავშირ - პოეტურ ორდენ "მარადახალი ქნარის"  "ლიტერატურული სემინარების" ფარგლებში უკვე ჩატარდა შემდეგი ღონისძიებები:

1. კავშირი - პოეტური ორდენ "მარადახალი ქნარის" წევრთა ერთობლივი პოეზიის საღამო და პროექტ "ლიტერატურული სემინარების" წარდგინება  -  12 ნოემბერი 2010 წელი

2. ფერეიდნული პოეზიის გასვლითი საღამო ეგზოტიკურ ჩაიხანა "გულანშაროში"  -  19 ნოემბერი 2010 წელი

3. ახალგაზრდა პოეტ ბექა ახალაიას პოეზიის საღამო  -  3 დეკემბერი 2010 წელი

4. შეხვედრა ილტოს ხეობელ სახალხო მთქმელ ელგუჯა უძილაურთან  -  12 დეკემბერი 2010 წელი

5. წინასაახალწლო კარნავალი - "საბავშვო პოეზია დიდებისთვის"  -  26 დეკემბერი 2010 წელი

6. მიხა ხელაშვილის ხსოვნისადმი მიძღვნილი პოეზიის საღამო ჩარგლის სასაფლაოზე  -  25 იანვარი 2011 წელი

7. ახალგაზრდა პოეტ გურამ ქავთარაძის (ფრესკაული) ლექსების პირველი კრებულის "დგახარ კედელთან" წარდგინება  -  25 თებერვალი 2011 წელი

8. შეხვედრა პოეტ ვაჟა ხორნაულთან  -  11 მარტი 2011 წელი

9. თსუ პროფესორ, ფოლკლორისტ ტრისტან მახაურის მოხსენება "კაფიის ჟანრის რაობისთვის"  -  1 აპრილი 2011 წელი

10. გიორგი ალავერდაშვილის ინტარნეტსაიტ "Fereidani.ge"-ს წარდგინება -  15 აპრილი 2011 წელი

11. კავშირი - პოეტური ორდენ "მარადახალი ქნარის" წევრთა გასვლითი პოეზიის საღამო ქუთაისის საჯარო ბიბლიოთეკაში  -  29 აპრილი 2011 წელი

12. გიზო ვაშაკიძის ფერწერული ნამუშევრების გამოფენა  -  6-14 მაისი 2011 წელი

13. პოეზიისა და ხალხური მუსიკის საღამო  -  "ჩვენი ჰერეთი - საინგილოს ანდამატი"  - 20 მაისი 2011 წელი

14. მწერალ მიხო მოსულიშვილის წიგნის "და უფსკრულს დასცქერს პირიმზე (ჩანაწერები ვაჟა ფშაველაზე)" წარდგინება


რაც დრო გადის, "მარადახალი ქნარის"  "ლიტერატურული სემინარები" უფრო და უფრო მეტ ძალას იკრებს, პოპულარული და პრესტიჟული ხდება. წინ კიდევ უამრავი საინტერესო ღონისძიება გვაქვს დაგეგმილი და ბევრ სასიამოვნო წუთს ვპირდებით ჩვენს ერთგულ მსმენელს, რომელთა რიცხვი და ხარისხიც, ჩვენდა სასიამოვნოდ, ასე ინტენსიურად იზრდება და ფართოვდება.



                                                    *      *      *

მინდა მკითხველს, ორიოდე სიტყვით, კავშირ - პოეტურ ორდენ "მარადახალი ქნარის"  შესახებ ვაუწყო.:
პოეტური ორდენი "მარადახალი ქნარი" გასული საუკუნის 90-იანი წლების უნივერსიტეტის ფილოლოგიის ფაკულტეტდამთავრებულთა ბაზაზე შეიქმნა. ორდენში გაერთიანდნენ მიხეილ ღანიშაშვილი, სევარიონ ნადირაძე, ტრისტან მახაური, ზურაბ ჯაფარიძე, მურღვა არდოტელი, ქეთევან დოლიძე და თამარ ლომიძე.
1992 წელს აკაკი ხორავას სახელობის მსახიობის სახლის გადაჭედილ დარბაზში მოეწყო პირველი საჯარო წარდგინება "მარადახალი ქნარის", როგორც დამოუკიდებელი პოეტური გაერთიანებისა.
2004 წელს მოხდა პოეტურ ორდენ "მარადახალი ქნარის" კავშირის სახით ოფიციალური რეგისტრაცია შესაბამისი ატრიბუტიკითა და ემბლემით. კავშირის თავმჯდომარედ დამტკიცდა მისი ერთ-ერთი უშუალო დამაარსებელთაგანი მიხეილ ღანიშაშვილი.
ამ პერიოდისათვის "მარადახალ ქნარს" უკვე აკლდა ერთი წევრი, პოეტი და გამომცემელი ზურაბ ჯაფარიძე, რომელიც 1995 წელს ტრაგიკულად აღესრულა ხევსურეთის მთებში.
რეგისტრაციის პერიოდისთვის კი ორდენის სიას უკვე ავსებდა ლიტერატორი და მეცნიერი ხვთისო მამისიმედიშვილი.
"მარადახალ ქნარს" თავისი არსებობის მანძილზე გამართული აქვს არაერთი სალიტერატურო შეხვედრა და პოეზიის საღამო, როგორც დედაქალაქის, ისე საქართველოს მთელი რიგ ქალაქებისა და რაიონების სხვადასხვა კულტურულ დაწესებულებებში, სკოლებში.
ორდენის წევრების შემოქმედება ჟანრობრივად და თემატურად საკმაოდ მრავალფეროვანია. მათ კალამს ეკუთვნის როგორც პოტეური, ისე პროზაული ნაწარმოებები, კრიტიკულ-პუბლიცისტური წერილები, სამეცნიერო-ფილოლოგიური გამოკვლევები.
ორდენის ყოველ წევრს გამოცემული აქვს არაერთი წიგნი.
ორდენის ცალკეულ წევრთა ზოგიერთი ნაწარმოები ნათარგმნია სხვადასხვა ენაზე, დაბეჭდილია საზღვარგარეთულ გამოცემებში.
კავშირ - პოეტურ ორდენ "მარადახალი ქნარის" წევრები უპირატესობას ანიჭებენ მხატვრული გამოსახვის ტრადიციულ, კლასიკურ ფორმებს, მშვენიერის ესთეტიკას, მითოსს, ფოლკლორს, რელიგიას, ისტორიზმს...
"მარადახალი ქნარი" არც არასოდეს ყოფილა და არც ახლა არის არც ე.წ. მწერალთა კავშირის კონვენციონისტთა ფრთისა და არც ე. წ. ავანგარდისტული მიმდინარეობების მომხრეთა სატელიტი სამწერლო გაერთიანება. ესაა ცალსახად დამოუკიდებელი, საკუთარი გზისა და გეზის მქონე შემოქმედებითი დაჯგუფება, რომელიც მიესალმება სალიტერატურო სივრცის მრავალფეროვნებას და ლიტერატურულ მიმდინარეობათა თანაარსებობის დემოკრატიულ პრინციპს.







2011 წლის 22 ივნისს, 19.00 საათზე პროფკავშირების კულტურის სასახლეში (ქ.თბილისი, ვაჟა ფშაველას გამზ. #43/1) გაიმართება  ფშაური ფოლკლორის საღამო, რომელიც ეძღვნება ვაჟა ფშაველას 150 წლის იუბილეს. მონაწილეობენ ფშაველი სახალხო მთქმელები, ყველა ფშაველი ვისაც დღეს ენა ლექსად უჭრის ფშავსა და ფშავლებით დასახლებულ მიკროფშვში - თიანეთში, ლაფანყურში და ახმეტაში მცხოვრებნი. იქნებიან ყველასათვის კარგად ცნობილი ფშაველი და ფშაური ცეკვა-სიმღერების შემსრულებლები... “ლაშარი” “კოკროჭინა”, ტრიო “აონი”, დუეტი “სიმი”, დები ნაყეურების ტრიო, ანსამბლი “ანანური”, ინტერნეტნიჭიერის გიორგი გოგლაური, მაია მამსირაშვილი, ეკა ბაიაშვილი და ლევან გუშარაშვილი, ლაშა და გიგა იანვარაშვილები..



გამოიფინება ხალხური რეწვის და გამოყენებითი ხელოვნების ხელნაკეთი ნიმუშები.გაიყიდება ხელნაკეთი ნივთები და წიგნები "და უფსკრულს დასცქერს პირიმზე" (ვაჟას ილუსტრირებული ბიოგრაფია) და “ფშაური ხალხური პოეზია" რჩეული