არაფერს გპირდები.... დრო ისეც ლოდინში გავლიე....
ლექსების ამარა შემოვრჩი ცხოვრების ფორიაქს.
ხვალ, ჰო ხვალ მოვალ და მეცმევა მე ლურჯი გალიფე...
ვხედავ, რომ შენს თვალებს, თითქოსდა, ცრემლების ფერი აქვს...

არაფერს ველი და... დროც უქმად,  ლოდინში გავლიე....

ორ ქალაქს აშორებს მანძილი საკმაოდ შორი და
სიშორის განაჩენს ნერვულად ითვლიან ნოტები...
(სადღაც, უხმაუროდ ქარი გამოაკრავს აფიშას,
წვიმიან ქალაქში ქუჩები ივსება ტენორით...)

სიშორის განაჩენს დრო და დრო ითვლიან ნოტები...

შენს ქალაქს, დღეს ისევ, სუნი აქვს ნესტიან მიწის და...
ღრუბლები მსუბუქად უკმევენ მზის სხივებს საკმეველს...
ქვიშის საათები სველ სანაპიროსთან იწვიან,
ტალღები გესვრიან ძოწისფერშერეულ კამათლებს...

შენს ქალაქს, დღეს ისევ, ქოლგების ელფერი გადაჰკრავს...