იყავი იგი, ვინცა ხარ,
საკმარისია სრულიად,
ხალხი გხედავდეს იმგვარად,
რაც მართლა შენი სულია!

არ გინდა როლის მორგება
გენიოსის და მდიდარის,
აზრი არა აქვს ამ თამაშს
ამქვეყნად არავითარი!

იყავ მართალი, გულწრფელი,
ღიმილიანი, კეთილი,
ნუ ივლი უსიყვარულოდ
ნურც - იმედგადაწყვეტილი!

და ყველაფერი ყოველთვის
კარგად იქნება - გჯეროდეს! -
ასე მსურს ვწერო ლექსები..
ამგვარად მინდა ვმღეროდე...