ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

ჯიქებს ახურავთ ჯიქა
არის ამინდი: ჯორჯი
დამისხი ერთი ჭიქა
როგორც სიცოცხლის ბორჯი...
რა ჯობს იმერულ ხიმეს
რა ჯობს ჰერეთულ ხირიმს
რა ჯობს რიკოთზე ირემს
უნდა გამოვთვრე ჯიმა!
გოგო რად იყრი დოინჯს
ღვინო ჯობია იონჯს
ონი ჯობია ოინს
ინი ჯობია იონს...
ჩხამა ჯობია ციმორს
ნეტა რატომ ხარ ციცა
რატომ მოვგევართ იმ ორს:
ძარღვში გადაღვრილ მიწას...
ჯიქებს დაფარავს ჯიქა
არის ამინდი: ჯორჯი
ჭირიც და ლხინიც იქა
სადაც ჩემია ბორჯი...


...(ავტოპორტრეტისთვის გამოდგებოდა...)
შავი დღის თეთრი ბოლო :
წყლის ცისფერ ფაფრის წეწვა.
სხვისი ობლების კომბლე
რა ჭალის მგელი გეცა.

ისევ წვიმების ცერცვი,
მკერდი-ვნების და ცარცის,
ჩემი ცხვრებივით ვერ ვცვლი
ოქროში სახელს კაცის.

რა უნდა სიტყვის გათლას
თუ მგელს ცხვრის ტყავში გმობენ....
სახ: ყველა მაძღარ ჩათლახს
                  ცამდე მშიერი კომბლე...

...

...იყლორტებოდა ტანი ქაჯივით
სალტეებს გლეჯდა ტანი ხენეში...
........................................................
თვალები ხასი ზეცა ხასხასა
ხელი ხასა და ხვალო ხალასი...
შენ მანჰეტენზე ზანგმა უხამსად
შემოგთავაზა ორი ალმასი...
მერე დაიწყო გზები: დალასი
ზედმეტი გახდა შენთვის სამოსი
არ არსებობდა შენთვის თალესი
არ არსებობდა არც თარგამოსი
იყო: ეგვიპტე, კონგო, კენია
შენ ატლანტიდა ძებნე მორევში...
სულ არ გტკენია და როგორც ღმერთი
მამლის ძახილზე ისე მოეშვი...
ბოლოს სამსარი (ჩემი სინოპი...)
დაღლილ ტანს ლეწდი ცხელ სიმდორეში
კასრთან დატოვე შენ სამპდორია...
და გააჩერე დიოგენეში....