ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

(წინარე)
                                                      მთვარიანი ღამე ქალია... უმთვარო ძმაა ჩემი...

რაღაცა ისე თუ ვერ გითხარი... ის ძველი სითბო შერჩათ მარგილებს... ჭიუხის ფხებზე მათრობს ხიხანი... ხან შენსავით და ხან შენს მაგიერ... ადიდებულან ღამენი ძმები... სისხლში დემონი გეძახის ამ დროს... შენ გსურს გაიგო მხილება? ცდები... გვერდით სხვა ქალი მირჩია საძმომ... ჩემს მგლებს სუნი სცემთ ჩემო ნიშნობის... გაუმართიათ ან რა მაზინდა... ნუთუ სხეული არი ქვიშრობი რომ შეაშრები და აღარ გინდა... ეხ რა კაცი ვარ... როგორ შეგინდო აღარც ის ძველი არ ვარ ფატარი... ვიღაც მეძახის: შეხედე ბიჭო! ღამე მოვიდა ნაფარფატარი... გახსოვს რა უხმოდ მოვზიდე ლამბი... რომ არ გამოჰყვა ჩამოხრას მშვილდი... მაშინ გამიქრა ქაშანი შამბის... კლავდა ჩოღუმი ბეღურა სინდისს... დამშვიდდი... ვეღარ ვუძლებ ქასრათა...ლექსების იქით ვმართავ ოჩხარებს...ნეტავ იცოდე ვინ გიასმათა... ვერცხლის ძუძუებს ვინ აჩანჩხარებს... შემომეხვია ვით მახას მახრა... შენი მესმოდა მაინც ნამაზი... მე ეკლესია ქრისტესი მახლდა...  ლოცვაც ვიცოდი უფრო ლამაზი... ეხ... რა გაუძლებს ღამეთა ფურთუნს... ის ძველი სითბო შერჩათ მარგილებს... აღარ გახსოვარ... უთუოდ... ნუთუ... ორთქლის საცეცეს მიჭერს ნარგილე...