თუ დასჭირდებათ ჩემი გაყიდვა ,აუქციონზე
რომ დამდონ ფასი,
მაღიარებენ ნიჭად,გენიად,
კაცობრიობას ტალანტი მსგავსი
თითქოსდა დღემდე არც გასჩენია.
დაიტაცებენ ხელიდან ხელში
ორიოდ სტრიქონს შეთხზულს ვაგლახად
და მათი სული-ბნელი,ხენეში
შემოერტყმება ჩემს სულს მათრახად...
და თუ დავთანხმდი ამ ცრუ დიდებას
შენთან მოღწევის სურვილით მხოლოდ,
რადგან მარტო ხარ,უამინდობის
ქარებს მიჰყავხარ გზა უთავბოლოს,
დაწყნარდი,ჩადექ გულო საგულეს,
ჩამოიშლება სიმშვიდის კალთა,
უფლის ნათელი თვალი დაგვყურებს,
სდგას ანგელოზი სამოთხის კართან.