ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

(ძველი მკრეხელობანი დიოგენესი)

კიდე ფრიგიისა...
ტრაპიზუნი...
თებე...
რხევა ხალიჩაზე
ღვინო შეძალებით...
ღამე ნიზამ რაბის
ურცხვი ბალადები
მოცელმოხალული
სრული მეძავების:
ტყვე ვარ...
აზიური ბძუნვის
მახრჩობს სიცხე...
ვნების თარაზოში
ჩამსვა  ზორაიდემ...
ვიდრე  უკან
ალთა ბრიალს მივეფიცხე...
სისხლი გამიყინა
ქვრივმა სომალიდან....
უქმროს,  ვაქიმარებ
ბაგერიდიანებს
კოლხურ სისხლძარღვებში
დგება კალაჰარი...
ზორა, ჩემი ღმერთი ისევ ავადაა
ზორა, შენი ალბათ
ისევ კარგად არი...





...
ქალი შემომხვდა შილიფი
ავნება, ავხმა, ავჭალი
ჭკუა მოსტყვნია ხალიფას
ოჯალეშით და ხვანჭკარით
სარობაიე მოაპობს
სავსე ალაზან -ივრითი
სადა ხარ აბო არაბო
სანამ მზე გადაივლიდეს...
ძე ვარ იბური კვირიბის
მზირი ცის მუნჯი დარაბის...
მონაწილე ვარ ირიბად
ღმერთ -კაცის  დავიდარაბის...
ხოხბების გადასანაბო
გხვდები მამულო დაგესლილს
ფესვგაგლეჯილო ალაგო
გაორპირებულ ძმადესი...

                                                                      რას ჩადი იაკობ?
...
რამდენჯერ გითხარი
სისხლო, მორჩი მეთქი;
სევდის შემგუები
მღერიან მორჩილები...
მორჩაო თქვა ღმერთმაც
და  ხელი ჩაიქნია:
ლექსის ჯვარზე გაკვრის მეტი
რა მიქნია...
ქრიან საიქიო შობით, 
შეჩერებით...
სიკვდილს
უჩვეულოდ ურჩი ვეჩვენები...
ბოლო ამოსუნთქვა:
მიყვარს
ცაზვიადი...
სული უსისხლესი, 
როცა მზვარეს გადის
და დგა, იწვის  მზე რის?
მზერის გაოცება...
მერე თვითონ მზე რა
მზერას გამოსცდება
გამქრალ ნაკვალევზე
დგახარ შეუჩვევი
ისევ ისეთი
და უფალს ეურჩები...


...
კალამს ვირგებ ლექსს ვარიგებ
მარგო რიდმა რამე?
მეგობარო თუ ვერ მიგებ
რად მიგვამა ღამემ...
ჩარიგებულ გოგონებში
გერანს ვირჩევ სადაგს:
გრაალიც და საწამლავიც
ვიცი ვისში სად დგას...
ამ ყველაფერს მოუხდება
ვენი ვიდი ვიცი
ღმერთი ფიქრს რომ მორჩებოდეს
ავტორი კი სიცილს...
სრად ნაგები გამინარდა
დრო ვერაგი მბარდავს
ურდულმდებიც მერიდება 
დღეთა დარდის გარდა
გადამრანდა ხმაში თავთქმამ
ცა მზეს ბარდნის ბინდით
რა ჯობია იყო სადა
და არ გერქვას ფლიდი....