მარინა,
ნუ ენდობი ბრიუსს.
ბრიუსი მხატვარია,
ის  შენს "ნიუს" გამოფენაზე გაიტანს,
სიცისფრეს ააფარებს,
შენ კი, ma cherie,
როგორ გინდა დააჯერო პატარა ბიჭი,
რომ მამა მისი
ზეცაში ცხოვრობს
და შენ ბრიუსთან  მხოლოდ მუშაობ.
ის უკვე ოცნებობს გახდეს მხატვარი
და ტალღაზე უფრო ლურჯი,
და ტალღაზე უფრო ქაფიანი,
ბრიუსის პეიზაჟი
სანაპიროს გასწვრივ გამოკიდოს,
კიდეზე წითელი წარწერით:
"მარინა"