წითელი ნაჭერი...
          ...წიქარამ ბიჭს უთხრა: თუ კიდევ მოგვდევს, სალესავი გადააგდეო,
გადააგდო ბიჭმა სალესავი და უფრო მეტად აილესა რქა-ეშვი მუზის ნახირმა...
                                                                                                    ჩემი ზღაპარი

ვიცი, მიცდიან კრიტიკოსები: როგორც კორიდის ჯილა რქოსნები
სისხლის გუბეებს წვიმა გარეცხავს  (სადღა ნახავენ ასეთ გარეწარს)
დღეა ბნელი და დრო არი მდორე: ამიტომ ღმერთო ცოტაც მადროვე
გამოვეთხოვო მიწას: სარეცელს...
დედინაცვალის კუზიან ლოცვას...
ჯერ ის  წიქრები გამოაგორეთ მშვიდად რომ ძოვენ ძმებო ტახებთან
ლექსები გვანან ტორეადორებს დაბადებულან რქების სალეწად.
და ფაშატ სიტყვებს აპარტახებენ...
ცის ძირზე დარჩა სხივების სირჩა
ძმებო, ლოთებო, გადავკრათ მოდით
დღეს ჩემი სისხლით ღელავს კორიდა
დღეს ჩემი სისხლით ხარობს ბომონდი.
..........................................................................
მე კი ხვალინდელ ბრძოლაზე ვფიქრობ...



...
მოლის ოლესთან მოლივლივე
ღვინო ალუბლის
ლალის ფიალით დაილია ლალიც და ალიც
ცაა ემალი... ძმებო, დარდებს
მხარი ავუბი
ელვის ლულაში გატენილი
წევს მალექარი
.............................................................
და ველოდებით ტკივილების ახალ ამალას...


მოგიკითხეთ