შემხედე ღმერთო რა ცბიერი დამაქვს იერი
რა გესლიანად გიყურებ და გესვრი... ახია,
სისხლში ალესილ ისრის ძე ვარ სამაგიეროდ
შენს სამართალში გაწობილი ცხრაფრთა მასხია.
შენი ტევთიდი დავუტევე, ვის აკალიფადს
ვის მიესიძა, ვის მიეკრა შენი იძვრისი
ძვირად დამიჯდა: დავისაჯე უმაგალითოდ
აღარ მიყვარხარ... ქვად ვიქეცი, ღმერთო, იმ დღისით:
თვალები ჩემი იწყვდიადა ნისლმა იმ სისქემ
არც ცა იძროდა, რა უძირო ჩანდა ღვთისძირი
ეს მე ვიყავი უიგავო, ამაყი ქრისტე
ეს მე ვიყავი უპატრონო და ღმერთმისჯილი...
შეხედე ღმერთო რა ცბიერად ითქმის რაც ითქვა
შეხედე, ნახე, რა ცბიერად ითქვა რაც ითქმის
შენს წისქვილებში მაღვთისშვილე... თითქმის დაიფქვა
შენს წისქვილებში მაღვთისშვილე... დაიფქვა თითქმის.


მოგიკითხათ მეწისქვილემ