(ციდან დანახული ღამის სტამბული)

* * *
იქ, სადღაც ქვემოთ,
ლამპიონების წვრილი ბისერი.
სტიუარდესას ტკბილ ღიმილში ქალაქი ქრება ...

07.11.2014

საღიმილო ...

* * *
როცა მოხატა შემოდგომის ფერებით მიწა,
მოეწონა და ... მხართეძოზე უფალი მიწვა.
შაბათი იყო!

11.11.2014

* * *
ქვაფენილების ნაცრისფერი უსასრულობა
ოქროსფერებით მიმოფინა
ნოემბრის ქარმა.

12.11.2014

* * *
მზით ნაფერები,
მხოლოდ აქა-იქ შერჩენიათ
ხეებს ფერები.

12.11.2014

* * *
ქოჩორს უწეწავს
მოჟივჟივე ბეღურებს ქარი ...
ფანჯარას ვხურავ...

13.11.2014