ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

თუ შეგხვედრიათ ძმებო, ძმამკვდარი...
ვიღაც ნაბოზრის ხოშის ზვარაკი
ან ოთხმოცი წლის ნაამაგარი:
ნაოხვრი: როგორც მწარე არაკი
გითენებიათ ღამე, მეძავი
და სულნათრევი დედის გუგებში?
ზამთრის ბოლოში ნაგავს შემხმარი
თუ გიპოვიათ იმის ნუგეში...
იქნებ არ იცით რაა ბინძური
და გინდათ მოკვდეთ ეგრე უბიწოდ
არ გიჭამიათ შიში მიწურში
არ გიცხოვრიათ ხალხო უნიჭოდ
იქნებ სიმყრალე მათ ტანს რომ ამხელს
ჩვენი ცოდვების სწორი ვერ გახდა
იქნებ ვერ ამჩნევს სისხლიან ნახველს
თქვენი ქაროზი კიბე, ვერანდა
ან საფლავებში: კუბოს ზეკარზე
თუ იცით მიწა რატომ აროკდა?
საძმომ იღვიძა: მეხთაშემკაზმემ:
მაუკვდავებენ საბრალო მოკვდავს
კარგია: მოვყვეთ მხოლოდ კეთილზე
აბა, ამ ნაწყევლს ყურს ვინ მიუშვერს
კარგია: გვქონდეს მხოლოდ ერთი გზა
მაგრამ შარათა დაგვაქვს სიმრუშე...

მოგიკითხეთ:)