ჰეროდია

წვერზე  ჩამოისვა  ხელი  ინიანი,
ფაჩვნილ  წარბებიდან  მზერა  ლიბრიანი
სხეულს  მიებჯინა...
ცეკვავს  სალომეა  რაღაც  უცხო  ჟინით,
ვნება  ცას  ასკდება  მისტიურ  კიჟინით,
კდემას  მიეძინა...

26.12.2015


          * * *
Поднимаю шторы...
Увы и луна
Облаками зашторена...

27.12.2015


ფიქრები  სავარძელში  ანუ -
ო,  რა ძნელია  როცა  ღმერთი  ხარ ...

როცა  შენა  ხარ  ანიც,  ჰოეც,  დაუსასრული,
როცა  ცხადია  შენთვის  ყველა,  დროში  ფარული,
ძნელია,  ალბათ,  მოგერიოს  თვალებზე  რული...
სრული  ამ  სიტყვის  მნიშვნელობით - ვაი,  ბედკრული!

27.12.2015


გალაკტიონი

ჩიტების  შურდა,
გალაქტიკებზე  ოცნებობდა,  გაფრენა  სურდა,
სხვა  ყველაფერი,  თვით  სიცოცხლეც,
მიაჩნდა  ხურდად.

27.12.2015


          * * * 

მხოლოდ  ჭადრები  შრიალებენ  დეკემბრის  ქარში ...
არ  ემეტებათ,  გაზაფხულის  ეფემერები -
ხმელი  ფოთლები.

28.12.2015