- დე, დევნილი რას ნიშნავს? მარი ძიძამ უთხრა მასწავლებელს ჩემზე, დევნილიაო.
- რას ნიშნავს და… სახლი რომ სხვაგან გაქვს.
- ჩემი სახლი ხომ ეს არის?
- ჰო დედი, მაგრამ სხვაგანაც გვაქვს სახლი.... იმიტომ რომ ჩემი ნამდვილი სახლი ისაა. ადრე, სანამ შენ გაჩნდებოდი, იქ ვცხოვრობდი და ის სახლი შენიც არის.
- მამიკოსაც სხვაგან ჰქონდა სახლი, პატარა რომ იყო?
- კი, მამიკოსაც, ჩემ სახლთან ახლოს.
- მერე სახლში რატომ არ მივდივართ?
- რატომ და... გზებია ჩაკეტილი. გაიხსნება და წავალთ.
- როგორია შენი სახლი? მაჩვენებ?
- აუცილებლად გაჩვენებ, ულამაზესია. იქ სულ მზეა და აივნიდან ზღვა ჩანს.
-ზღვა როგორია დე? ზღვასაც ხომ მაჩვენებ?