წახვედი?..
გეთქვა მაინც: - მივდივარ!..
გულს არ დაღლიდა ფუჭი ლოდინი...
ერთს გაკოცებდი უკანასკნელად
და დავრჩებოდი მძიმედ...
ლოდივით...
ცრემლიანია ეს განშორება,
სევდიანია ჩემი  მოტივი,
არ ვიცი რატომ, მაგრამ რატომღაც
მაინც მოგტირი...



                      *    *    *
სად ხარ უჩემოდ, მშვენიერო, ნაზო არსებავ?..
ო, როგორ გეძებს ჩემი მზერა, ნისლით ნაფერი...
სადაც შენა ხარ, იქ დღე არის და მზის სავსება,
სადაც არა ხარ, იქ ღამეა და არაფერი...