რას გავიფიქრებ სიკვდილის ზღვართან?!...
ღმერთო, სიკვდილი, ჯერ ხომ შორია...
მაგრამ სიცოცხლე , ზოგჯერ ვაი, რომ
გარდაცვალების თანასწორია.           

ნეტავ რომელი იქნება რიცხვი?!...
მე გაზაფხული არ მინდა ძლიერ.
რადგან ვარდების საუფლო სუნმა,
სააქაოსკენ მიბიძგოს იქნებ.           

ნეტავ, როგორი იქნება მზერა?!...
ღმერთო , რას ვფიქრობ, ჯერ ხომ შორია...
მაგრამ სიცოცხლე , ზოგჯერ ვაი, რომ
გარდაცვალების თანასწორია.

მინდა, რომ იყოს მზე და სიმშვიდე...
მე მინდა, მაგრამ ღმერთს სხვა სურს იქნებ.
ნეტავ რომელი იქნება რიცხვი ?!...
მე გაზაფხული არ მინდა ძლიერ.                         

რას გავიფიქრებ სიკვდილის ზღვართან?!..
თუკი შევძელი , მე ვიცი ღმერთო. 
მე ჩავიფიქრებ სულ მცირედს, მაგრამ...
შეასხი ფრთები უფალო შეგთხოვ.                                               

ზ.მ