ვაგროვებ წამებს, წუთებს, საათებს,
ვაგროვებ დღეებს თვეებს და წლებს
ვაგროვებ სითბოს. მზის სხივებს ვაგროვებ,
გულში კი თეთრად  თოვს.
ნამცეცებს ვეძებ ბედნიერების
ვეძებ და სითბოს ვგრძნობ
შორეულ წარსულში აჩრდილებს ვეძებ
ვეძებ და მაინც თოვს.
ვეძებ სიყვარულს ოცნებას ვეძებ
და სულში მაინც თოვს.
ცხოვრების ფურცლებს,
ვფურცლავ და ვფურცლავ,
უაზრო დღეებს ვთმობ.
გადის სიცოცხლე ასე უსახოდ
გულში კი თეთრად თოვს.