ზოგჯერ ძალიან ჭრიალებს სიჩუმეც.
ხანდახან ვარაუდი ჩამოქლიბავს გაუფიქრებელს,
თავისთვის მოწოწიალე განცდას
წაქეზებული ლოთივით გადაგკიდებს;
პატივის აყრით სიმულაციურ ქოლგებს
შემოგიწყობს,
მშრალად დარჩენა რომ მოგანდომოს
და დაგცინოს.
ამ დროს კი ნახატიდან გადმოცოცდეს სადა ფერებით შენიღბული აურზაური,
რომელსაც შენი ხმის ფორმა ექნება,
ადგილ-ადგილ კი ჩარჩოზე წაქცევის დროს  ამობურცული შეშუპება
სხვისი გულის მოოხებას შეგაძლებინებს,
რადგან გიწევს ნაწილ-ნაწილ ჩატვირთო ადამიანში ჩურჩულით - მენდე.