ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: თემურ მაკარაძე
ჟანრი: პოეზია
5 თებერვალი, 2021


იქნებ და ამ ღამეს

ეს ღამეც გადმოკვეთს შემინულ დარაბებს
და მთვარე ნაქურდალ მზის სხივებს მომიტანს.
ვინ იცის - იქნებ და მოგიკვდე ამ ღამეს
და სულმა სხეული დატოვოს ლოგინთან!

ალბათ, ღმერთს მუდმივად დროც კი არ შერჩება,
მეც სიკვდილს ვმორჩილობ პირველი წამიდან.
არ გინდა, მაგ თვალებს ნუ აქცევ ცრემლებად,
ეს მხოლოდ ფიქრია, წამით რომ ამიტანს...

თავს ვხრი და ვნებდები დროებით სისუსტეს,
ხომ იცი, სჩვევია ადამის ნაშიერს
და ახლა ამ გულის ფეთქვაც რომ მიყუჩდეს,
მე მხოლოდ მაგ სუნთქვის სიშორე მაშინებს.

ეს ღამეც გადმოკვეთს შემინულ დარაბებს
და მთვარე ნაქურდალ მზის სხივებს მომიტანს.
ვინ იცის - იქნებ და მოგიკვდე ამ ღამეს
და სულმა სხეული დატოვოს ლოგინთან!

კომენტარები ილუსტრაციები რეცენზიები