თუკი ცხოვრება მოგაქცევს ფსკერზე
თუკი არ ესმით შენი გოდების..
თუკი მიზნები გარბიან გვერდზე
და ჰგვანან დღენი ყოფას ობლობის…

თუ შეიყვარე ძარღვით, არსებით
გაეცი გრძნობით და ვერ მიიღე...
თუკი პასუხი არ გარგეს საღვთო...
თუკი არ გიყო არავინ სათნო…

თუკი გაგრიყა ყველა ქიმერამ
უცხომ თუ სისხლმა გირიდეს ყური..
თუკი ოცნება გრძნობ, რომ გიქრება.
გრძნობ სიყვარულმაც გიქცია ზურგი..

თუკი ტკივილი ამარცხებს ძალებს..
თუკი ბრძოლები დაჰყრიან ფარხმლებს..
თუკი აგართვეს მიწა სადგამი..
აგყარეს ყველა მახვილ-აბჯარი..

თუკი დაგკარგავს გზა, ხეტიალი..
ასცდები დროულ, შორსახულ მიზნებს..
თუკი დაგჩაგრავს ოხერტიალი..
კანონი ქუჩის ბრალსდაგდებს მყივსე

თუკი ყველაფერს ჰხედავ ამაოს..
არ ენდე უღმრთოს, არც რამ მამაოს..
თუკი იმედი დაგხვდა დაფლული..
აღარ გახარებს არც ცა, არც ფული..

თუკი წყდებიან დროის ძაფები,
გაგასწრეს ყველა მატარებლებმა..
და ვერ მიაღწევ სასურველ სადგურს..
ამ მგზავრობაშიც ჰგავხარ დევნილ მდგმურს..

არ დაიღალო ჰპოვო ძალები...
ძალთა აბჯრები -გულის კარვებში!.
არის ძალები წმინდა ვალები!..
წმინდა ვალები ყოფის რვალებში!.. 

არ დაიღალო გიყვარდეს ისევ!..
ხარობდე ისევ! ნატრობდე ისევ!
თვით სიყვარული აგავსებს მყისედ..
არ დაიღალო გიყვარდეს ისევ!..