ჩემო ფრესკის ანგელოზო, -
ანგელოზო ყინწვისის,
ემაგ ფრთები დაგელოცოს,
მადლი შენი სიწმინდის.

მსურს ყოველთვის ჩემთან იყო,
დავამარცხო აფთრები,
ცხოვრებისგან არ გამრიყო,
დამიფარე მაგ ფრთებით.

გამიხარე ბეჩავს გული,
მიწყალობე წყალობა,
გულში მუდამ სიყვარულის
ჩამესმოდეს გალობა.

ჩემო ფრესკის ანგელოზო, -
ანგელოზო ყინწვისის,
არასოდეს განმეშორო,
გმოსავს მადლი სიწმინდის.

ჩემს მფარველად მიმაჩნიხარ,
ვარ მამულზე მლოცველი,
სათქმელთანაც გულწრფელი და
ჩემი მიწის მკოცნელი.