ნინო დარბაისელი

საქვრივო

ქვრივების სია ჩამომიწერია,
ეს  - ჩემი ძველი რვეულია.
ვისაც ქვრივობა უწერია,
უკაცოდ გადარეულია.

ქვრივებო, თითო კაცი გაიჩინეთ,
ცუდია ვნებათა შეკავება.
რამდენიც გინდათ, გაიცინეთ,
მე  - ფიქრით რული აღარ მეკარება!

კაცი საიდან-ღა მოიყვანოთ?
მიიხედ-მოიხედეთ, გაინძერით!
სხვებმა, როგორც გინდა, იყაყანონ,
ჭორებიც დაგიყარონ, წესით ძველით!

თორემ ეს ცხოვრებაც გაილია,
ვნებას დაუხარჯავს  - ცოდვა მოაქვს.
თავს თავად მიხედეთ,  იოლია!
ხედავთ, ირგვლივ რა მკაცრი მიდამოა?!

ქვრივებო, ნურავის გადაჰყვებით,
არავინაა დამნახავი,
შავებში ნუღარავის ენახვებით,
სიმარტოვეში ნუღარ ხავით.

რაც იყო, წავიდა, წარსულია,
ახლა სიცოცხლეა - თქვენი ვალი!
ვის უნდა,  საბოლოოდ, ძე  თუ ასულია,
ეგ თქვენი გამოხედვა შეუვალი?

დრო გავა, არავის დასჭირდებით,
თავის გზას მონახავს მალე ყველა,
გასაცოდავდები მარტო გდებით,
თუ გვერდით შენ - შენი  არ გეყოლა!

ოღონდაც იფრთხილეთ, შეკედლებით -
- თქვენს კარზე არავინ მიიჩვიოთ!
ჯერ თავს მოუარეთ, შეედრებით
ბრიყვს. მეტი რა გითხრათ, რა გირჩიოთ!

ქვრივებო, მარტო ნუ დარჩებით,
მარტოქალს სჯობია ყველაფერი,
ქვრივებო, დაიხსომეთ რჩევა ჩემი
და კაცი მოიძიეთ შესაფერი!