ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ხიჩიბა
ჟანრი: პოეზია
12 მარტი, 2009


დოღი

გადასვეს,
და თითოც ახუხეს ტაიჭებს,
შემთვრალან ხევსურნიც,ცხენებიც...
გადასხდეს,
სამ წრეზე ტაბლას დაუარეს,
ასძალდნენ,
ველური ჭენებით.
კივილი ვაჟთა და
ჭიხვინი რაშების,
დატორეს შარაგზა ნალებმა,
თავის გულის სწორებს,
ლოცვა გაადევნეს,
დამფრთხალმა ხევსურის ქალებმა.
დაჰკარით ვაჟებო,
დაწყვიტეთ მათრახებ,
თეთრონო დაკვნიტე ლაგამი...
დღეს შენი ჯერია,
ქარისებრ გაფრინდე,
ბაგაზე ხომ არ ხარ ნაბამი?!
-წყლის პირებს უფრთხილდით!
ჰკივის ცხენთ-უფროსა,
მშვიდობით,
გადასცდნენ ხიდის ყურს...
ერთურთის ქიშპობით სული ეხუთებათ,
მთვრალ ცხენებს,
ერთნაირ კუდნასკვულს.
აგერა, გაჩინდეს,
დაეტყვნენ ცის ტატანთ,
ჩაეფარ ბოლოცა დაოთხილ,
დღეს წინ-წინ მოსულ ცხენს,
გვირგვინი მიართვით,
დაწნულ ყვავილებით,
სამოთხის...

კომენტარები ილუსტრაციები რეცენზიები