აქ ქუჩაზე ეყრებიან ფოთლები,
ამ ქარბუქმა სუნთქვა აღარ მაცადა,
ზაფხულს ქარმა დაუმტვრია თასები
და ყანწები სულ ბოლომდე დაცალა.

გეგმები და ოცნებები წამართვა,
შენთან მოსვლის გზები დამინაცარა,
სახლი თავზე ჩამომენგრა ოცნების,
შემიფარა დანგრეულმა საყდარმა.

ტკივილებმა გამაფხიზლეს სიზმრიდან,
ამაკივლა დამტვრეულმა სახსარმა,
სამუდამოდ ფეხმტკივანი დამტოვა
ნაადრევად მოთრეულმა ზამთარმა!