ნინო დარბაისელი

„ ნამუსის ახდა ლუკრეციასი“

    ინგლისური სონეტი

      (შექსპირის პოემაში მოთხრობილია, როგორ გააუპატიურა ოუნუსის შეგულიანებით  უფლისწულმა  ტარკვინუსმა მეგობრის,  მხედართმთავრის  - კოლტანუსის  ცოლი, რომელმაც ყველაფერი ქმარს უამბო და თავი მოიკლა, ხალხმა კი ბოროტმოქმედის ოჯახს სასჯელად  ქალაქიდან მოკვეთა გამოუტანა)

შენზე -  შექსპირი  პოემას დაწერს.
ბრიტენი შექმნის  შენზე ოპერას.
დე,  შენი ცოდვა ტარკვინუსს აწვეს,
საძინებელში ხმლით რომ  გეფერა!
შემოგახია,  რაც რამ გემოსა,
შიშით დაგიპყრო, არავინ გახლდა
და დაეხარბა ცოდვის  გემოსა
და გაუვიდა  ნამუსის ახდა.
მე მაინც ვფიქრობ, რომ მოძალადეს
გამოეყოფა რაღაცა შხამი,
აღარ დაინდობს, თუ რამე ანდეს,
ზედ დააცხრება მშიერი, ხამი.

რა სამართალი მოიძევება!
ქალს - სიკვდილი და კაცს - გაძევება?!