მოდი გავებუტოთ ერთმანეთს...ბავშვური გრძნობების ანემია,
თვალი ავარიდოთ ყველაფერს, ვითომ არასოდეს გვყვარებია...
მოდი გავებუტოთ ერთმანეთს, დილის გარიჟრაჟის სუნთქვა ხარ,
სიტყვებს გადმოფრქვეულს ფურცლებზე, უძილო ღამეებს ვუნახავ...
მოდი გავებუტოთ ერთმანეთს, აზრებიც ვერაფრით დავაწყე
და ნარინჯისფერი ყველა დღე - ახლა ჩემოდნებად ჩავაწყე...
...........................................................................................................................
მთვარე გაანათებს ზეცაზე, ვარსკვლავებს დაისხავს შეგირდებად,
მოდი გავებუტოთ ერთმანეთს, რომ უფრო ტკბილი იყოს შერიგება...