გაიქეცი , გაიქეცი ,ბაჭია…
გაეპრანჭე , გაეპრანჭე სარკეს.
რა გგონია ,მარტო ფრთებს შეგაჭრიან ?
მებადურიც წამოგაგებს ანკესს.
ქუჩის ბოლოს ნაბიჭვარი ბიჭები
თავხედურად დაგიშენენ კენჭებს .
რადგან ფრთხილობ, შიშით გამოირჩევი,
შესაჭმელად ემეტები ლენჩებს .
შენ ოცნებობ, შენ ოცნებობ ამ უკუნ,
ბნელ ღამეში ელოდები ცისკარს.
მარტო რჩები და საყვარლად სლუკუნს
იწყებ, მაგრამ …გეუბნები, რისკავ!
რადგან ცრემლზე დაგეშილი მგლები
შენ სარკმელთან დაიწყებენ ღავ- ღავს.
ჰო, მათ შორის შენი მეგობრებიც,
დამიჯერე, არც პატარა არ ხარ !
დამიჯერე, დამიჯერე ,კასი,
გაიქეცი თვალხატულა ბაჭია.
უძღებია გული ყველა კაცის,
რა გგონია ,
მარტო ფრთებს შეგაჭრიან ?