ავთო ვარაზისა და ირაკლი ფარჯიანის ხსოვნას

მხატვრები იყვნენ, ფიროსმანის ჯიშის მხატვრები,
ნიკალასავით სამშობლოში შედევრებს ქმნიდნენ.
არ მეხერხება ხატვა, თორემ მეც დავხატავდი
ზღვას, მთის ბუნებას, ლამაზმანებს, პატარებს, დიდებს.

მხატვრები იყვნენ, ფიროსმანის გენის მხატვრები,
ნიკალასავით სამშობლოში შედევრებს ქმნიდნენ.
მე მათ მიწაზე კვლავ ამაყად დავიარები,
ჩვენში სიკეთეს თესავდნენ და მასვე იმკიდნენ.

2026