...და ცხადად მახსოვს მე ის დღე ახლაც,
  როცა შეგხედე ავღელდი ვგონებ
  ჩამოვიბერტყე მხრებიდან დაღლა
        და ჩაგეკონე.
  ახლა დღეები მოირთო ცისფრით,
  ნამალავ გრძნობას თვალები გასცემს..
  დარდის ნარჩენებს მოვხვეტავ მზის ფრთით
  და ფერფლად ვაქცევ.
  ბრბო მიატოვე სამყაროს ჭურში
  და ჩემს იმედად გამომეცხადე..
  მეცნო შენს დარად პეპელა ჭუპრში
    ბევრჯერ ვეცადე.
  მეტყვი სიმართლეს და არა მითებს,
  რასაც ცხოვრება კაბის ქვეშ მალავს,
  ფრთხილად შეახებ ხელს გამხდარ თითებს
          და მომცემ ძალას.
  ვიცი დღეები  ბევრჯერ შემიღრენს
  სიცოცხლე სუსტზე დაგეშილია.
  შენს სიახლოვეს თუნდ ცა გაირღვეს
        არ მეშინია.
  ო,ცხადად მახსოვს მე ის დღე ახლაც,
  როცა შეგხედე ავღელდი ვგონებ,
  ჩამოვიბერტყე მხრებიდან დაღლა
          და ჩაგეკონე.