აქ აპრილია
ღამეებს აღარ სცივათ,
სიჩუმემ წამართვა თავი. . .
სიზმრებს ვემალები
ხეტიალს ვნებდები,
დავკარგე მე ჩემი ვალი. . .
თუ გინდა წაგიყვან
ღრუბლებში გატარებ,
მზე არ დასრულდება, არა. . .
ლოდინი დამღლელი
ტკივილის თანმდევი,
მართლა დასრულდება განა?. .
შენ გიყვარს ღამეში
სიბნელის ხმაური,
მე მტოვებ მარტოს და ეულს. . .
სიმღერას ვღიღინებ
ლამაზი ნოტებით,
სიმღერას, მარტოს
და ჩვეულს. . .
თუ სიყვარულისთვის
გავწირე ყოველი,
არასდროს ვინანებ
ვფიცავ ! . .
  ბედნიერ წუთებს და
წარსულის დროებას,
მებრძოლი ქალივით ვიცავ ! . .