ძლიერ ავად ვარ, მალე მოვკვდები
მე შენ არ გტოვებ, თვითონ მიხვდები
ნარინჯისფერი მე მზის ჩასვლისას
ნაცრისფერი კი შებინდებისას
მე შენთან მოვალ როგორც ფერები
და მარტოდ დარჩენილს მოგეფერები.

ზოგჯერ მოვალ როგორც სტუმარი
შორეული და მოულოდნელი
მე მოვალ სიზმრად,კარს ნუ ჩაკეტავ
მოვალ, როს ღამე იქნება ბნელი.

გთხოვ ნუ დამტოვებ მე შარაგზაზე
შემოვალ ჩუმად, მოგაპყრობ მზერას
ნაზად გაკოცებ და მსწრაფლ გავქრები
თუ კი გავუძელ მე გულის ძგერას.