მთავარი გვერდი
პორტალის შესახებ
რეგისტრაცია
ნაწარმოებები
კომენტარები
რეცენზიები
დღიურები
წევრები
ლიტ-მოვლენა
ილუსტრაცია
მოგვწერეთ
ძებნა
ფორუმი
გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ლიკა-ოხანაშვილი
ჟანრი: პოეზია
12 ივლისი, 2009

* * *

კრძალვით დაუბერა ნუშის ხეს სიომ,
მიწას ეცეკვება წვეთები წვიმის,
სულში დაიქროლა სევდის ქარიშხალმა,
უხმოდ მიეფარა მომხიბლავ ღიმილს.

ზემოდან დავცქერი  ცხოვრების უფსკრულს და
ფიქრებით მოვივლი ოცნების  ჭიუხებს,
სიცოცხლის ყველა გზა ხომ  ვიცი, რომ მაინც,
წავა და სულ ბოლოს სიკვდილთან მიუხვევს.

არ ვწუხვარ, არც ვნანობ ამქვეყნად არაფერს,
წარსულმა თავისი კვალიც ხომ დატოვა,
ლექსს თუ წერ, რა გინდა, აღარ თქვა იცოდე,
"ცხოვრებამ გამწირა, საწყალი, მარტო ვარ."

გთხოვთ, ნუ გაამტყუნებთ პოეტს ნურავინ, რომ
გრძნობა გამოთქვა, ლექსებით, სონეტით,
ჩვენში ხომ, სიგიჟეც კი საპატიოა,
თუკი გიჟს სახელად გიწოდეს პოეტი.
კომენტარები ილუსტრაციები რეცენზიები