სალამი ელის
ისევ გწერ რადგან ისევ არ ხარ ჩემთან
(თუ ჩემი)
იცი?
მგონი არ გვესმის ერთმანეთის
შენ ჩემგან მეტ აქტივობას ითხოვ
მე კიდევ...
მე მინდა რომ უსიტყვოდ გესმოდეს ჩემი.
ელის...
შენთან გაზაფხული უფრო ადრე მოდის
(ან რა შუაშია)
შენ იცი რაზე ოცნებობ და
იცი რომ ოცნებები სრულდება
მე კიდევ ოცნებებიც მაკმაყოფილებს
და მხოლოდ თუ ვოცნებობ
ოცნებების ახდენაზე
ელის.
ალბათ მართალი ხარ
როდესაც მებუტები,
მე ვზივარ, გავყურებ ფანჯარას
და ვინაიდან მტრედებს აღარ დააქვთ წერილები
ხელში "უკაბელო ტელეფონით"
მორიგ ვიბრაციას ვუცდი.
სალამი ელის...
ისევ გწერ, რადგან ისევ არ ხარ ჩემთან,
იქნებ ბოლოსდაბოლოს ავიმაღლო აქტივობა
და ერთად ვიყოთ დიდ თეთრ ოთახში
მე და შენ
(ან უბრალოდ მეოცნებენი)