ისმის ჩურჩული...
ფოთოლთა ჩქამი
ჩუმს მყუდროებას
არღვევს...იჭრება...
ნაზად ნაგები ოცნება ჩემი
სიმწრით კრთება და
ძირს იფერფლება...
ღელავს... ბობოქრობს ოცნების ტევრი.
მდუღარე ტბაში ინთქმება ბედი...
რომ გამოსტაცო სიკვდილსაც ხვედრი-
დაიბრუნებდა სიცოცხლეს გედი...
ვერაგ მტერთა ბრბოს ყოველი მხრიდან
გადაუჭრია ოცნების გზები...
ხანძარს აჩენს და ....ცეცხლს აღარ აქრობს...
სამარეს გვითხრის ვერაგი... ფლიდი...
დასასრულია... მიახლოვდება
სიკვდილი მშვიდი!...