მამის კვალდაკვალ ბრძნულად თუ ივლი – ნაპირზე უმალ გახვალ
არ დაივიწყო გვარი და ჯიში და არ დაიწყო მალვა
თავი ამაყად გეჭიროს მუდამ მზისა და მთვარის ქვეშ
ენდე ნათელს და იქნები ალვა, გქონდეს მოყვასის კრძალვა
კაცი სინდისით უნდა ფასობდეს, არ გარქვან პაკი–პუკ
ისეთი უნდა დათესო თესლი – ლაღად გაიდგას ფესვი
ლომი ხარ, მაგრამ თუ წაფორხიდი, მეფედ ვერასდროს მოხვალ
ამპარტავნობის ცოდვას ერიდე, სულს უნდა კარგი მოვლა
სალანძღავს თუ არ გესვრიან ქვას, ვისაც რა უნდა – თქვას
ორგული კაცი არ გაიმტერო, ფუძე არ აიმტვერო
ნაღდი კაცები მუხებს გვანან და მხარგაშლილები დგანან
ისე დაცალე ცხოვრების თასი, რომ გედოს ოქროს ფასი
ამიხმიანეთ, ბიჭებო, კერა, მასწავლეთ ცაში ფრენა