კიდობანი - ნოეს ბანი,
ქალის ტანი, კაცის ჯანი,
წყვილთა განი, სქელი კანი,
მტრედი ზეთის ხილით - პანი.
წარღვნა - ღმერთის განაჩენი,
მიწა - კაცის გადამრჩენი,
ხორცი - ბილწად ამაზრზენი,
სული - დახვრეტილი შველი.
გშველი, მაგრამ ვეღარ გშველი,
გადამექცა მოძღვრად გველი,
უფრო მეტი, ვიდრე - მთელი,
მოვიწიე შხამის რთველი.
კიდობანი - ნოეს ბანი,
ქალის ტანი, კაცის ჯანი,
წყვილთა განი, სქელი კანი,
გამომიცხვა გულად ქანი.