შენ გჭირდება ქაოსი სულში, რათა მოცეკვავე ვარსკვლავები შვა
 
                                                                                                                        ნიცშე


რა გინდა?

გინდა რომ შენს გარშემო მშვენიერი და სრულყოფილი ადამიანები იყვნენ და უყვარდე მათ...
რომ შეცდომებს არ იმეორებდე და დღითიდღე უკეთესი გახდე...
რომ უბრალოდ იმაში გიხდიდნენ ფულს რასაც სიამოვნებით აკეთებ ან გააკეთებ და
გინდა რომ ასეთი საქმე იპოვო ...
გინდა რომ არ გამცირებდნენ, არ ეხვეწებოდე, არ მოელოდე, 
რომ ყველაფერი მოვიდეს დამსახურებულად,
რომ მთელი დღე რაღაც ლამაზს და მნიშვნელოვანს აკეთებდე,
რომ არაფრის გეშინოდეს და არავის გშურდეს,
რომ სრულყოფილი თუ არა სრულყოფილებისაკენ მზარდი ადამიანი მაინც იყო,
რომ სურვილები გქონდეს და აისრულო თანდათან......................................

არ გინდა:

მარტოობა,
უსაქმურობა,
ფიქრი,
წუხილი,
ნერვების შეჭმა,
სიგარეტის მოწევა,
დალევა და მერე ღებინება,
ძილი და ბორგვა ლოგინში,
ტირილი და ყვირილი ყველა წვრილმანზე...

ვიღაც კი გეუბნება

რომ მარტოობაშია ბედნიერება,
რომ სურვილები უნდა მოიშორო,
რომ სრულყოფილება არ არსებობს,
რომ შენთვის ტანჯვა გარდაუვალი რამეა...
რომ უნდა გამოფხიზლდე და ა.შ.

ახლა ამას წაიკითხავენ და გეტყვიან

რომ შენ არაფერი არ გესმის ცხოვრების,
რომ შენ ბევრი უნდა იკითხო,
რომ შენ ჯერ ბავშვი ხარ,
რომ შენ უკვე ბერდები,
რომ შენ ცხვირსაც ვერ იხოცავ დამოუკიდებლად,
რომ შენ უბრალოდ თითით საჩვენებელი ხარ
იმ გაგებით რომ ადამიანი არ უნდა იყოს ასეთი...
რომ შენი ბრალია ყველაფერი...
რომ შენ არ შეიცვლები....
 

შენ გატყუებენ,
რადგან
ქაოსის შემდეგ ვარსკვლავები იბადებიან........

გახსოვს ცურვა როგორ ისწავლე?
ძალიან ღრმად ჩაყვინთე და სხვა გზა არ იყო, უნდა ამოსულიყავი როგორმე, თუნდაც "მიშველეს" დასაძახებლად....
ძალიან ღრმად , ჭაში თუ ჩაჯდები დღისითაც დაინახავ ვარსკვლავებს....
ძალიან ღრმად შენში თუ ჩაყვინთავ,
წყალქვეშ მზის სხივები სხვანაირია...