შენ რომ, მარტზე ჯვარი დაიწერე,
თითზე წამოიცვი გაზაფხული,
თმები უმიზეზოდ გაიწეწე,
მერე უჩვეულოდ დაზაფრულმა,
თვალში დაიგუბე სინანული,
აპრილს აუყევი ფეხშიშველი,
სხეულდაღლილი და უცნაური,
ფიქრობ,
ალბათ ღმერთიც ვერ გიშველის...
როცა უმოკლდება ქუჩას ბოლო,
მოჩანს უმაისო გზის საწყისი,
როცა ყვირილამდე ყელში მოთოვს,
სრული სიგიჟეა, სულ არ გიკვირს,
იცი, დაიწერე ჯვარი მარტზე,
მკლავზე დაუწექი დაზაფრული,
აგყვა ხასიათი რთული...
თანგდევს,
თითზე წამოცმული გაზაფხული.