"ღმერთმა და სატანამ ზავი დადეს, სანამ ჯერ
                                                    კიდევ სამყარო შეიქმნებოდა. ამ ზავის თანახმად დრო
                                                    ჯალათია, რომელიც ყოველ წელს თითო ფენა
                                                  სიცოცხლეს გვაცლის. ღმერთი კი შემკვეთია, რომელიც
                                                      წილში ზის სატანასთან."

                                         




სხეული ფრთხილად გამხადა დრომ..
ცაზე გაფინა გრძნობებით სველი.
აღარაფერი შემომრჩა რომ
ვიყიდო უკან სიცოცხლის წლები.

დღენი უმიზნოდ ვარიგე ხურდად,
ვერ მოვიშალე განცდების დევნა..
სხეულს სიშიშვლე აღარა სურს და
სული გაიხდის მზერების ფენას.

ფენათა ჯამია სიცოცხლე მარტივად,
ტყვიებად აწყობს სატანა ცოდვებს..
ვნებით ნაფლეთი წელი გავიდა
და მას სროლები ახლაც კი მოსდევს.

დრო კვლავ მოვიდა ამგლიჯოს ტყავი,
მზერა მაქვს, მიკვირს, ძალიან მშვიდი.
სხეული მიჭერს, ბოლომდე მშრალი
და კვლავ  ღარიბი  – სიცოცხლეს ვყიდი.